Kandidati i Partisë Demokratike të Kosovës (PDK), Bedri Hamza është takuar me Ambasadorin e Francës, Olivier Guerot

Në një postim në Facebook, Hamza tha se ambasadori e ka njoftuar që letrën për heqjen e të gjitha sanksioneve të BE-së ia ka përcjellë kabinetit të Presidentit Macron, shkruan Arbresh.info.

“Një takim i shkëlqyer me Ambasadorin e Francës, Olivier Guerot. Ambasadori më njoftoi se letrën time për heqjen e të gjitha sanksioneve të BE-së ia ka përcjellë kabinetit të Presidentit Macron. Populli i Kosovës e meriton mbështetjen, pavarësisht se kush është në qeveri.”, ka shkruar Hamza.

Tutje, kreu i PDK-së theksoi se me si kryeministër, fokus do ta ketë rikthimin e temave të bashkëpunimit ekonomik dhe diplomatik me aleatët tanë.

“Ne biseduam edhe për nevojën e kthimit të normalitetit dhe stabilitetit në vend. Si kryeministër i ardhshëm, fokusi im do të jetë rikthimi te temat e bashkëpunimit ekonomik dhe diplomatik me aleatët tanë.”, u shpreh ai./Arbresh.info/